Павлодар облысында дала өрті тұтанды
Павлодар облысының Май ауданында дала өрті тұтанды. Бұл туралы Stan.kz ақпарат агенттігі хабарлайды.
Павлодар облысы Төтенше жағдайлар департаментінің баспасөз қызметі. Сағат 14.58-де Май ауданындағы Кеңтүбек ауылының маңындағы төрт жерден құрғақ шөп өртеніп жатқаны туралы хабарлама түсті.
Шамамен өрт аумағы – 173 га. Өртті сөндіруде ерікті өрт сөндіру жасағы мен мемлекеттік мекеменің 12 техникасы 45 адам жұмылдырлған.
"Өрт шығу аймағы елді мекендерден алыста орналасқан. Сондықтан оларға қауіп төніп тұрған жоқ", – дейді өрт сөндірушілер.
Еске салайық, шілде айының басында павлодарлық өрт сөндірушілер Шарбақты ауданына қарасты "Ертіс орманы" орман шаруашылығында 1,4 гектар аумақта, одан кейін Ертістің жайылмасында 70 гектар аумақта болған өртті тез арада анықтаған болатын.
Талқылау