Париж-2024: Әділбек Мусин жартылай финалға шыға алмады
Жүзу спортынан Қазақстан құрамасының спортшысы Әділбек Мусин Париж олимпиадасының жартылай финалына шыға алмады. Бұл туралы Stan.kz ақпарат агенттігі хабарлайды.
Фото: ҰОК
Әділбек Мусин олимпиада ойындарының іріктеу кезеңіне қатысып, келесі кезеңге өте алмады. 100 метрге шалқалап жүзуден сынға түскен отандасымыз 100 метрді 49,92 секундта бағындырып, өз тобында сегізінші орын алды. Жалпы есепте 41-орыннан көрінген Әділбектің бұл нәтижесі олимпиаданың жартылай финалына шығу үшін жеткіліксіз болды. Жартылай финалға үздік 16 спортшы ғана өтеді. Әділбек Мусин бұл қашықтықты 2022 жылғы Азиада ойындарында 49,10 секундта жүзіп өтіп, жеке рекордын орнатқан еді.
Айта кетейік, бұған дейін бүгін жарыс алаңына шыққан дзюдошыларымыздың екеуі де алғашқы айналымда ұтылғанын жазған едік.
Талқылау