Пәкістанда "Құдайға тіл тигізді" деген айыппен жас қызды өлім жазасына кесті
Пәкістан соты WhatsApp желісінде "Құдайға тіл тигізді" деген айыппен жас қызды өлім жазасына кесті, деп хабарлайды Stan.kz ақпарат агенттігі.
Пәкістанда сот WhatsApp және Facebook арқылы жіберген "құдайға тіл тигізетін хабарламалары" үшін қызды өлім жазасына кесті.
The Guardian басылымының хабарлауынша, қыздың үстінен 2019 жылы мобильді ойын қосымшасында танысқан ер адам шағым түсірген. Әйелдің WhatsApp желісінде таратқан күпірлікке толы материалдары, сондай-ақ оның жіберген суреттері мұсылман үшін мүлдем жарамсыз”, – деді сот төрешісі Аднан Муштак.
Сотталушы өзін жақын қарым-қатынасқа тартқан ер адам оны ислам туралы пікірталасқа итермелегенін айтты.
Пәкістанда Құдайға тіл тигізгені үшін қолданатын әлемдегі ең қатал заңдар бар. Билік айыпталушыларға өлім жазасын үнемі шығарады. Әдетте өлім жазасы орындалмайды, ал тұтқындар бүкіл өмірін түрмеде өткізеді. Пәкістан соты 2017 жылы әлеуметтік желіде Құдайға тіл тигізетін пікір жазғаны үшін алғашқы өлім жазасын шығарды.