Пакет теріп, науқас аналарын асырап отырған бес бала көмекке зәру (фото)
Шымкенттік 46 жастағы Ділбәр Құттыбай алты баланы дүниеге әкелген, күміс алқа иегері. Күйеуі қайтыс болған төрт жылдың ішінде алты баланы өзі асырап келген. Жақында ғана қатерлі ісікке шалдыққанын білген ол, толықтай емделуге ақша таппаған.
Жарым-жартылай ем қабылдағандықтан, Ділбәр ана қазір төсек тартып жатыр. Ал, балалардың үлкені Ақтауға жұмысқа кеткен. Екіншісі 17 жаста болғандықтан тиянақты жұмысқа тұру да мүмкін емес. Дегенмен, қалған төрт інісін ертіп, пакет жинайды екен. Бұл жұмыстан аптасына 5-6 мың теңге табады. Ол ақша, жеті адамнан тұратын отбасының тамағына ғана жетеді.
Науқас ана мына үйді жалға алып тұрады. Жер үйдің іші де, сырты да айтарлықтай ескірген. Қыста суық болып, балалар жиі ауырыпты. Күннің жылынатынына қуанған ана, өзіне қолдарынан келгенше көмектесіп жүрген балаларына риза.
“Балалар үй жинап, от жағып, тамақ дайындап, нанды да өздері пісіреді. Қазір орнымнан тұрсам әлсіреп қаламын. Ұл бала болса да ыдыстарды жуып, тамаққа ақша болсын деп пкет жинауға барлығы да шығады”,-дейді Дәлбәр Құттыбай.
Көпбалалы отбасының табысы – асыраушысы жоқ балаларға берілетін 46 мың теңге жәрдемақы мен «күміс алқаның» 12 мың теңгесі.
Бұған дейін әкелерінен айырылған балалар, анамыз тірі жүрсе екен деген тілектерін де айтып қалды.
“Негізі интернатта жатып оқимыз. Жолға ақша болмағандықтан, сонда айлап жатабереміз. Үйде мамама ыдыс жуып, тамақ пісіріп, пешкеге от жағып барынша көмектесемін”,-дейді үшінші ұл Несіпжан Stan.kz тілшісіне.
Бұл отбасыға шұғыл көмек керек. Көмектесем, балалардың жағдайын барып көзбен көрем деушілерге Ділбәр Құттыбайдың телефон номері:+7 778 585-80-61
Оның атындағы шотының номері:
Құттыбай Ділбәр Ергешқызы
14.12.1970
ИИН 701 214 401 384
Қазпошта шоты: 41 89 73 27 07 87
Оқи отырыңыз:
Эксперимент: Тұрғындар сәбиін көшеге тастап кеткен бойжеткенді көргенде не істеді? (видео)
Аялдамада тұрған 51 жастағы ер адам жер астына түсіп кетті (видео)
Қарағанды облысында әскери бөлім сарбазы әйел адамды тонап кетті
Әкелері жоқ, анасы жұмысқа жарамайтын отбасының балалары пакет жинап күн көріп жүр (фото)