Өзбекстан мен Қазақстан шекарасында контрабандалық көліктер ұсталды
Өзбекстаннан Қазақстанға кіре берісте контрабандалық көліктер ұсталды, деп хабарлайды Stan.kz ақпарат агенттігі.
"2022 жылғы 19 наурызда "Б. Қонысбаев" өткізу пунктінде (Түркістан облысы), Өзбекстаннан Қазақстанға кіретін көліктерді тексеру кезінде шекара наряды үш жүк көлігін ұстады. Олардың ішінде ілеспе құжаттары жоқ 6 шетелдік жеңіл көлік болған.
Контрабанданы өткізу әрекеті үшін Қазақстан азаматтары ұсталды. Тауардың алдын ала бағалау құны 70 млн теңгені құрайды", - делінген Ұлттық қауіпсіздік комитетінің хабарламасында.
Ұсталған жүк Түркістан облысы бойынша Экономикалық тергеу департаментіне тапсырылады.
Талқылау
Пікір