Өскеменде полицейді балағаттаған әйел жазаланды
Өскеменде полиция қызметкерін балағаттаған әйел жазаланды. Бұл туралы Stan.kz ақпарат агенттігі хабарлайды.
Фото: polisia.kz
Өскемен қалалық сотында құқық қорғау органы қызметкерін балағаттаған әйелге қатысты іс қаралды.
“2024 жылдың қыркүйек айында полиция капитаны ер адамға ұрлық фактісінің мән-жайын анықтау үшін полиция бөліміне баруды ұсынған кезде оның әйелі шу шығарған. Мас күйдегі әйел тәртіп сақшысын балағаттаған. Оның кінәсі бейнежазбамен, жәбірленушінің айғақтарымен және тергеу хаттамаларымен дәлелденді”, — делінген қалалық №2 соттың хабарламасында.
Қызылорда облысында мас күйде келінін балағаттаған ене 10 күнге қамауға алынды
Сотта айыпталушы кінәсін мойындады.
Сот әйелді 80 сағаттық қоғамдық жұмысқа тарту туралы шешім шығарды.
Еске салсақ, бұған дейін алматылық қыз TikTok-та ресейліктерді балағаттағаны үшін 2 жылға сотталғаны туралы жазған едік.