Орал қаласында заңсыз жарнамамен күрес жұмыстары жүріп жатыр. Әкімдіктегілердің айтуынша, ұйымдастырушылар заңның рұқсатынсыз, жарнамалық плакаттарды аялдамаларға, үйлердің сыртына, трансформаторларға іліп кетеді екен. Ал сыртқы жарнамаға белгіленген тариф бойынша ақша төленуі тиіс. Жарнама ілу рұқсаты бір жылға беріледі.

«Біз мемлекеттік кірістерді бақылау басқармасымен бірге жарнама берушілерден талап етілген соманы өндіріп алу үшін бірігіп жұмыс істеп жатырмыз. Біздің мекеме қызметкерлері тек қыркүйек айында мемлекеттік кірісті бақылау басқармасына 67 жарнамалық объектті жолдады, олардың 34-інде рұқсат қағазы жоқ. Жарнама берушілер мемлекеттік бюджетке жалпы 271 488 теңге қарыздар», – деп атап өтті Орал сәулет және қала құрылысы бөлімі басшысының міндетін атқарушы Жанболат Үмбеқалиев.

Қазіргі уақытта қала басшылығы Ерке Есмаханның концертін ұйымдастырушыларды іздестіріп жатыр.

«Ұйымдастырушылар не Алматы, не Астана қаласында, сол себепті оларды күтеміз. Концерт жақындаған кезде олармен тағы байланысқа түсіп көреміз», – деп хабарланды бөлімде.

Концерт ұйымдастырушылары мемлекеттік қазынаға салық төлеуі тиіс, одан бөлек оларға әкімшілік айыппұл тағайындалуы мүмкін.

Жіберіп алмаңыз:

Ерке Есмаханға құны 2,5 миллион теңге тұратын киім сыйланды

Баян Мақсатқызының күйеуі қылмыстық жауапкершіліктен босатылмайды

Асқар Жүнісбеков тыңдармандарымен қайта қауышты (видео)

Қонарова “Ninety one” тобын атақты “The Beatles” тобына теңед

Талқылау