Оралдағы базарда ірі өрт болды

Оралда базарлардың бірінде сауда контейнерлері өртеніп кетті деп хабарлайды Stan.kz ақпарат агенттігі ТЖМ Telegram-арнасына сілтеме жасап.

Өрт сөндірушілер жалынды толық  жою үшін құрылымдарды бөлшектеуге мәжбүр болды. Жалынның ауқымы – 250 шаршы метр. Оны өшіруге 40 өрт сөндірушінің күші, 14 бірлік техника қажет болды.

Төтенше жағдай туралы қоңырау 11:16-да түсті. "Алатау" автотасымалдау аумағында қосалқы бөлшектері бар контейнер өртенгені белгілі болды. Полиция қызметкерлері өрт болған жерді қоршап алды.

Тілсіз жау бір сағаттан кейін оқшауланды. Өрттің себебі анықталуда. Өртенген контейнер иесінің айтуынша, ішінде дәнекерлеу жұмыстары жүргізілген.