Олжас Сәттібаев олимпиада ойындарындағы алғашқы жекпе-жегінде жеңіске жетті
Олимпиада ойындарында 52 келі салмақта сынға түскен қазақстандық боксшы Олжас Сәттібаев келесі кезеңге жолдама алды.
Олжас Пуэрто-Рико елінің өкілі 21 жастағы Хавьер Хесус Синтронды жеңді. Енді Олжас ширек финалға шығу үшін әзербайжандық Эльвин Мамишзадемен кездеседі. Аталмыш жекпе-жек 15 тамыз күні болады.
Сондай-ақ, бүгін түнде Данияр Елеусінов, Василий Левит және Иван Дычко шаршы алаңға шығады.
Талқылау