Өліп қалған анасының қасынан кетпей қойған піл баласы жұрттың жүрегін елжіретті (видео)
Үндістанда піл өліп қалған анасының жанынан бірнеше сағат бойы кетпей тұрды. Ақырында құтқарушылар жануар баласын күштеп алып кетуге мәжбүр болған.
Бұл туралы Daily Mail-ге сілтеп Stan.kz ақпараттық агенттігі хабарлайды.
Оқиға елдің солтүстігінде орналасқан Раджаджи саябағында орын алған. Орманшылар піл баласын оның анасының жанынан тапқан. Жануар анасын шақырып, оны итеріп, тіпті оның назарын аудару мақсатында үстіне отырып алған.
Ұлттық парк қызметкерлерінің болжамынша, 40 жастағы піл төбеден құлап, ағашқа соғылып, мойнын сындырып алған.
Саябақ директоры Раджаджи Санатае Сонкар (Sanatan Sonkar) пілді алып кету оңайға соқпағанын атап өтті.
«Ол кетуден бас тартты. Басқа пілдердің көмегіне жүгінуге мәжбүр болдық», — деп түсіндірді ол.
Ақырында орманшылар ертіп келген екі піл – Рангили мен Радха жануар баласын алып кеткен, ал саябақ қызметкерлері оны жүк көлігіне тиеген.
Бұдан кейін жануарды арнайы пілдер лагеріне жеткізген. Қызметкерлердің айтуынша, құтқарып қалған пілдердің бірі оны асырап алған. Бала жаңа анасына үйренісіп те қалған көрінеді.
Тағы оқыңыз:
Ұшақта тұрып тұратын орындар пайда болады
Жердің жанынан қаланы жойып жіберетін күші бар үлкен астероид ұшып өтті
7 миллиард ішінде жалғыз: 8 жасар бала дәрінің көмегінсіз ракты соңғы сатысында жеңіп келеді