«23 наурыз күні бала мен анасы Абайға кетті. Тергеудің қанша уақытқа созылары белгісіз болғандықтан, пойызға немесе ұшаққа алдын ала билет алу мүмкін болмады. Сондықтан, олар көлікпен жолға шықты. Олармен бірге полиция қызметкерлері, ДОМ қорының өкілдері де болды. Барлығы кешке Абай ауылына жетті. Баланың қорғаушысы Бауыржан Азанов Алматыдан Шымкентке ұшақпен келді. 24 наурызда олар күні бойы Бас прокуратура қызметкерлерімен жұмыс істеді. 25 наурыз күні тергеу амалдары жалғасты», – деп жазды Аружан Сайын парақшасында.

Оның айтуынша, 24 наурызда Абай ауылына жеткендер Бас Прокуратурамен жұмыс істей бастаған. Ал, 25 наурызда тергеу амалдары жалғасқан.

“Анасының өтініші бойынша қазіргі уақытта шетелден мамандар шақыртылып, балаға экспертиза жүргізу жұмыстары ұйымдастырылып жатыр.

Жақсы жаңалық туралы айтсам, ана мен бала әжесімен және әпкесімен кездесіп, сөйлесті. Бала өзінің ойыншықтарын және велосипедін алып кетті, біз қуаныштымыз”, – деді ол.

Оның айтуынша, осы іске қатысы бар басқа да балалар туралы тың ақпараттар болуы мүмкін. Ол жаңалық болып жатса, Бас Прокуратураға хабарлайтынын айтқан.

Еске сала кетейік, Сарыағаш ауданы Абай ауылында тұратын 7 жасар баланың зорланғаны туралы ақпарат қоғамда қызу пікірталас туғызды. Баланың әжесі құқық қорғау органдарына немересін жоғары сынып оқушылары зорлап келгенін айтып, арызданған. Қылмыстық іс қозғалды.

Бұдан бұрын, ОҚО-да 7 жасар баланы зорлады деген оқушылармен психологтар жұмыс істеп жатырғанын хабарлаған едік.

Тағы оқыңыз:

Оралда есірткі сатумен айналысқан дене тәрбиесі пәнінің мұғалімі қолға түсті

Енді қазақстандық колледждерде бакалавр дәрежесі бойынша білім алуға болады

БАҚ: Қазақстандықтар Новосібір қаласын жаппай тастап қашуда

Талқылау