Нұрболхан: Маған Ләйлә Сұлтанқызына "жала жапты" деген айып тағып жатыр, ал қазақ қыздарының ары үшін кім жауап береді

Әзілкеш Нұрболхан Шәріпов Ләйлә Сұлтанқызымен соттасып жатқанын айтты. Пәктігін сатқан қыз үшін болған жанжал әлі жалғасып жатыр. 

"Ал, екiншi дүние жүзiлiк "Инста соғыс" басталды қайта. Журналист Бибiгүл Дәулетбек екеумiзге "Жала жапты", "Қорлады" деген айып тағылып жатыр. Қазақ қызының ары үшiн шырылдасақ, арыңмен бiрге ары ойна болып тұр ғой.

Ендi, сотта Ләйлә Сұлтанқызына жала жабылғаны туралы жауап беремiз. Ал, ҚАЗАҚ қыздарына жабылған жалаға кiм жауап бередi? Қытай, Қырғызстан елдерi "қазақ қыздары арларын сатып жатыр" деп елiмiзге жабылған жаланы қалай көтеремiз? Қысқасы, бәрiн СОТ шешедi. Аққа Құдай жақ", - деп жазды әзілкеш парақшасында.

"Сенімен біргеміз ғой", - деп жазды жайдарманшы Ғазиз Ерболат.

Өзге желі қолданушылары мән-жайды сұрап, енді бірі сәттілік тілеп жатыр.