Нұр-Сұлтанды түтін басты: Қазгидромет мәселенің себебін түсіндірді

Нұр-Сұлтан қаласының үстінде қою түтінің жиналу себебін Қазгидрометтің мамандары түсіндірді, деп хабарлайды Stan.kz ақпарат агенттігі. 

7 желтоқсан таңертең елорданы түтін басты. Тұрғындар әлеуметтік желілерде қала үстінде пайда болған түтіннің суреттерін жариялап, өткір иіске шағымданған. Мамандардың айтуынша, 7 желтоқсанда Нұр-Сұлтандағы ауа-райына синоптикалық антициклон әсер еткен.

"Қазгидромет" РМК экологиялық мониторинг станциялары 2020 жылғы 6-7 желтоқсан күндері Нұр-Сұлтан қаласында ауадағы ластаушы заттардың шекті-рұқсат етілген шоғырланудан асып кету жағдайларын тіркеді. ШРШ "асып кетуі" 6 желтоқсан сағат 19.00-ден бастап тіркелді.

"Атмосфералық ауаның ластануы барлық бақылау бекеттері бойынша байқалды. Ең жоғары ластану Көктал-1 аудандарында, Тұран даңғылы мен Түркістан көшесінде тіркелді. Синоптикалық жағдайлар бойынша 2020 жылғы 07 желтоқсанда елорданың ауа райына антициклон әсер етеді. Ауа райы негізінен жауын-шашынсыз, 24-28ºС-қа дейін бірқалыпты аяз болып, тұман байқалады. Мұндай ауа райы жағдайлары жоғары қысым аймағына тән – жел тұрмайды, ауа салқын болады, аздаған бұлт торлайды. Атмосфераның жоғарғы қабаттарында ауа массаларының араласпауы тұманның пайда болуына әсер етеді", - дейді мамандар. 

2020 жылғы 06 желтоқсан күні 13 сағат 55 минутта 7 желтоқсанда Нұр-Сұлтанда кей уақыттарда тұман күтілетіні туралы дауылды ескерту жарияланған болатын.

Мұндай метеорологиялық жағдайлар қаланың жеке секторын жылытудан шығатын ластаушы заттардың ауада жиналуына ықпал етті. Нәтижесінде қалың түтін пайда болды.

Талқылау
Пікір
Қазір оқып жатыр
Çàãðóçêà...
Қазір оқып жатыр