Нұр-Сұлтандағы сайлау учаскесінің төбесі құлап қалды

Нұр-Сұлтанның ескі орталығындағы сайлау учаскелерінің бірінде аспалы төбе жартылай құлады,  деп хабарлайды Stan.kz ақпарат агенттігі.

Оқиға учаске ашылғаннан кейін көп ұзамай болған. Суреттер Telegram-арнада жарияланды.

Бұл ақпаратты елорданың білім басқармасында растады.

"№145 сайлау учаскесінде (Сейфуллин көшесі мен Республика даңғылының қиылысы, №3 мектеп-гимназия) аспалы төбеге аздап техникалық зақым келді. Ақаулық түзетіліп жатыр. Зардап шеккендер жоқ. Қазіргі уақытта сайлау учаскесінің жұмысы штаттық режимде жүргізіліп жатыр", - делінген хабарламада.

Еске сала кетейік, 10 қаңтарда Қазақстанда мәжіліс пен мәслихат сайлауы өтуде. Сайлау учаскелері 07.00-ден 20.00-ге дейін ашық.