Нұр-Сұлтанда нашақор бесікарбадағы баланы ұрлап кетпек болған (видео)
Нұр-Сұлтанда есірткіге тәуелді ер адам бір жарым жасар баланы ұрлап кетпек болған, деп хабарлайды Stan.kz ақпарат агенттігі.
Бір жарым жасар баланы ұрлау әрекеті бейнебақылау камераларына түсіп қалған. Елордалық полицейлердің мәліметінше, оқиға 7 тамызда Бектұров көшесіндегі дүкеннің алдында болған.
Дүкеннен баласы бар арбаны сүйреп шыққан әйелдің алдынан ер адам шығап, баланы арбадан көтеріп алған. Анасы ер адамға кедергі болуға тырысқан.
Полицияның хабарлауынша, келіншекке баласын құтқарып қалуға өтіп бара жатқан адамдар көмектесіпті.
“Оқиға орнына дереу жедел-тергеу тобы барды. Полиция қызметкерлері Ақмола облысының 35 жастағы тұрғынын ұстады. Медициналық сараптама қорытындысы бойынша ұсталған азамат есірткіге мас болған", – деп түсіндірді полицияның баспасөз қызметі.
Бұл факті бойынша қылмыстық іс қозғалды. Тексеру жүргізілуде.
Талқылау
"Күйеуімді қазақша Дарын деп атайды": Ағылшын азаматына тұрмысқа шыққан қазақ қызы оқиғасын бөлісті
Даррен Чандлер: "Қазақ тілін әйелімнің тілі болғандықтан жақсы көремін"
“Келін қылып алатын қыз”: Желіде қазақша ән айтқан португалиялық ару қазақстандықтарды тәнті етті
Лара: "Қазақтар өте-өте талантты халық”