Нұр-Сұлтанда автобустардың қозғалысын тоқтату ұсынылды

Нұр-Сұлтанда карантин кезеңінде қоғамдық көліктерге тыйым салу ұсынылды. Бұл туралы қалалық көлік жүйелерінің басқарма төрағасы Бекмырза Игенбердинов мәлімдеді, деп хабарлайды Stan.kz ақпарат агенттігі.

"Біз Нұр-Сұлтан қаласындағы коронавирусты тоқтату штабына карантин кезеңінде қоғамдық көлікті толық тоқтата тұру туралы ұсыныс жасадық", - деді Бекмырза Игенбердинов.

Бұған дейін Нұр-Сұлтандағы автобус паркі карантинге жабылғандығы белгілі болды. №1 автобус паркінің қызметкері коронавирус жұқтырған адаммен байланысқа шыққан. Қызметкерлер мен жолаушылардың қауіпсіздігін қамтамасыз ету үшін бұл парк жабылды. Автопарктың, автобустардың бүкіл аумағы залалсыздандырылды. Қызметкермен тығыз байланыста болғандар ауруханаға, кейбіреулері үй карантиніне орналастырылды.

Нұр-Сұлтан мен Алматыда коронавирустық пандемияға байланысты жаңа шектеулер енгізілді. Мемлекеттік комиссия 28 наурызда 00:00-ден бастап екі қалада карантин режимін күшейту туралы шешімді мақұлдады. Жаңа шаралардың қатарына қоғамдық көліктің кезең-кезеңімен шектелуі, сонымен қатар тамақ, дәрі-дәрмек пен жұмысқа баруды қоспағанда, адамдардың сыртқа шығуына шектеу қойылады.

Талқылау
Пікір
Қазір оқып жатыр
Çàãðóçêà...
Қазір оқып жатыр