Новороссийскідегі жарылыс Каспий құбыр желісі консорциумына әсер етті ме? – КҚК бас директоры жауап берді
Новороссийскідегі жарылыстан Каспий құбыр желісі консорциумының инфрақұрылымына зақым келген жоқ. Бұл туралы Каспий құбыр консорциумының бас директоры Николай Горбан айтты, деп хабарлайды Stan.kz ақпарат агенттігі.
Каспий құбыр желісі консорциумының баспасөз қызметі, 4 тамызда КҚК Теңіз терминалының жұмыс аймағына жақын жерде (акваторияның 670-ші ауданы) Ресей Әскери-теңіз күштерінің кемелері ұшқышсыз жерүсті су кемелерінің шабуылына тойтарыс бергенін хабарлады.
"Қазір біз мұнайдың темір танкерлерге қалыпты түрде жөнелтіліп жатқанын хабарлаймыз. КҚК инфрақұрылымына ешқандай зақым келген жоқ. Толық ақпарат кейінірек беріледі", – деді КҚК бас директоры Николай Горбан.
Ол КҚК акваториясында және Новороссийск портында кемелердің қозғалысына уақытша тыйым салынғанын түсіндірді. Тыйым алынғаннан кейін жүк тиелген танкерлер кері қайтатынын хабарлады.
Бұған дейін Новороссийск тұрғындары Қара теңізден Мысхако ауылы маңында атыс пен жарылыс дыбыстары шыққанын хабарлаған. Ресей билігі бұл оқиғаға қатысты әзірге түсініктеме берген жоқ.
КҚК құбыр жүйесі ТМД елдеріндегі энергетика саласындағы ең ірі инвестициялық жобалардың бірі. Теңіз-Новороссийск құбырының ұзындығы 1511 шақырымды құрайды. Қазақстанның экспорттық мұнайының басым бөлігі осы бағыт бойынша тасымалданады.