Министрлік мәліметінше, Қазақстанның 11 қаласында ауа сапасының тұрақты түрде жоғары ластану деңгейі тіркелген. Ең мәселеге толы қалалар қатарында Алматы, Өскемен, Қарағанды, Теміртау және Ақтөбе бар.

Ластанудың елеулі бөлігі шағын көздерден – автокөліктерден, жеке сектордан және бизнес нысандарынан келеді. Мысалы, Алматыда зиянды шығарындылардың 60 пайызы көлікке тиесілі. Ал 12 пайыздан астамы жеке үйлер мен шағын қазандықтардан бөлінеді.

Министрлік өкілдері тиімді шешімдерді зерделеу үшін Қытайға барып, Бейжің қаласының тәжірибесімен танысқан. Ведомствоның мәліметінше, Бейжіңде ауа сапасын жақсартуға көлікті электр энергиясына көшіру, экологиялық талаптарды қатаңдату және экологиялық аймақтар енгізу сияқты шаралар әсер еткен.

Осыған байланысты министрлік әкімдіктерге 2026–2028 жылдарға арналған атмосфералық ауаны қорғау ережелерін әзірлеуді тапсырды. Ұсыныстардың бірі – қолайсыз метеожағдай кезінде көліктер қозғалысын "жұп-тақ күн" қағидасы бойынша шектеу. Яғни, көлік нөмірі жұп санмен аяқталса, ол тек күнтізбедегі жұп күндері ғана жүре алады. Ал тақ санмен аяқталса – тек тақ күндері жүреді.

Сонымен қатар мынадай шаралар ұсынылды:

кафе, мейрамхана және шағын қазандықтарда көмір мен отын пайдалануға тыйым салу;
қоғамдық көлік пен таксилерді газға немесе электр қуатына көшіру;
жеке үйлерді газдандыруды субсидиялау және орталық жылу жүйесіне қосылуын ынталандыру;
өндірістік аймақтардың айналасында ауаны табиғи түрде сүзгіден өткізу үшін "жасыл белдеу" құру.

Өмір айнасы

STAN.KZ

Жұма, 13 Ақпан, 2026 15:36

Біздің таңдауымыз

Қазақстанды дүр сілкіндірген оқиға: Өзінен 12 жас үлкен әйелмен некелескен Кристина Чернышева оның қолынан қалай көз жұмды

Қыздың денесі қаланың шетіндегі мола жанынан табылған

Қазақстандағы ең ірі мәмілелер: "Қазақмыс" пен "Қазцинктің" жаңа қожайындары туралы не белгілі

Саясаттанушылар екі кәсіпкер мен олар жасаған мәмілеге қатысты пікір білдірді