Қорқынышты жанрда түсірген қазақстандық "Кадет" фильмі "Оскар" сыйлығына ұсынылды
Фото: https://www.instagram.com/adilkhan_yerzhanov
Қазақстанның Оскар комитеті "Кадет" фильмін Америкалық киноакадемия сыйлығына үміткер ретінде ұсынды. Бұл туралы Stan.kz ақпарат агенттігі хабарлайды.
Қазақстанның Оскар комитеті 2026 жылы өтетін "Оскар" кинопремиясына ұсынылатын ұлттық фильмдерді іріктеуді аяқтады. Комитет мүшелерінің басым даусымен режиссер Әділхан Ержановтың "Кадет" атты көркем фильмі таңдалып, Қазақстанды "Үздік халықаралық толықметражды фильм" (Best International Feature Film) номинациясында таныстырмақ.
"Әскери училищеде қорқынышты сценариймен жұмыс істеп жүргенімде, көптеген компаниялар тым қараңғы және тым көркем болды деп мені қабылдамағаны есімде. Біздің көрермен әртүрлі фильмдерді қалайды. Біздің жанрларымыз – жаңашыл!", – деп жазды фильм режиссері.
Айта кетейік, фильмді 2024 жылы Tiger Film түсірген. Оның ұлттық премьерасы 2025 жылдың қаңтарында өтті. Ал халықаралық премьерасы Токио халықаралық кинофестивалінде өтті. "Кадет" Берлин кинофестивалінде, Карловы Варыда және SXSW-де де көрсетіліп, кассада өзінің қарапайым бюджетін өтей алды.
Естеріңізге сала кетейік, өткен қараша айында режиссер Асхат Күчинчерековтың "Бауырына салу" фильмі 2025 жылғы "Оскар" сыйлығының "Шетел тіліндегі үздік фильм" номинациясы бойынша таңдалған еді.
"Тамада министр": Қызметінен босатылған оқу ағарту министрі Ғани Бейсембаев несімен есте қалды
