Талдықорғанда шенеунік белгісіз көшені жөндеуге мемлекеттен 500 миллион теңге сұратқан

Талдықорғанда шенеунік көше жөндеуге мемлекеттік сатып алудан 500 миллион теңге сұратқан. Қызығы ол қаражаттың нақты қайда қандай көшеге жұмсалатынын көрсетпеген. Бұл туралы Stan.kz ақпарат агенттігі хабарлайды.

Жетісу облысы прокуратурасының мәліметінше, шенеуніктің күдікті әрекеті назар аудартқан.

"Тапсырыс беруші жөндеуді қажет ететін көшелердің атауларын нақтыламаған. Ақаулы актілер мен әр көше бойынша жұмыстардың сметалық құнын анықтап бермеген", – деді қадағалау органы.

Прокурорлар осы мемлекеттік сатып алу конкурсымен бірге тағы бесеуінің күшін жойған. Солардың бәрін есептегенде шенеуніктер жоспарлаған тапсырыстардың жалпы сомасы 1 миллиард теңгеден асады екен.

• Экономикалық тергеу департаментінің қызметкері достары мен туыстарын Алматы метросына жұмысқа орналастырған 

• "24 күн аштық жарияладым": Экс-министр Арыстанбек Мұхамедиұлы өзіне тағы да іс қозғалуы мүмкін екенін айтты

"Тапсырыс берушілер конкурстық құжаттамадағы біліктілік талаптарын негізсіз асыра бағалады. Сондықтан әлеуетті өнім берушілердің мемлекеттік сатып алуға қатысуын шектеп қиындатамыз", – деді ведомство.