Қарағанды облысында ҚТЖ қызметкерлеріне сауықтыру орталығына жалған жолдама берген
Қарағанды облысының көлік прокурорлары ҚТЖ қызметінен өрескел заң бұзушылықтарды анықтады. Компания қызметкерлеріне уәде етілген шипажайларға тегін жатқызу жұмыстарын орындамаған. Бұл туралы Stan.kz ақпарат агенттігі хабарлайды.
Сурет pixabay-дан
ҚТЖ мен оның қызметкерлері арасында жасалған ұжымдық шартқа сәйкес, жұмыс беруші жұмыскерлерге жеңілдікті шарттармен санаториялық-курорттық емделуге жолдамалар беруге немесе 60 АЕК көлемінде материалдық көмек көрсетуге міндетті болған. Құжатқа сәйкес, теміржолшылар үш жыл сайын емдік санаторийлерге жолдама ала алып, барлық қаржылық шығындарды Ұлттық тасымалдаушы өтеуі керек болған.
Алайда ҚТЖ есептері мен курорттық ұйымдардың мәліметтерін салыстыра отырып, денсаулығын жақсартуды қажет ететін әрбір үшінші қызметкер іс жүзінде шипажайларда тиісті қызметтерді алмағанын және емделмегені белгілі болды. Жұмысшылардың бірі 2023 жылдың наурыз айында сауықтыру орталығында демалыста болғанын айтып, құжаттарын ұсынған. БІрақ орталық бұл адамның оларға келмегенін мәлімдеді.
Тексеру нәтижесінде Қарағанды облысының теміржол саласы қызметкерлерінің шипажайлық-курорттық демалысы туралы жалған есеп берудің 100 фактісі анықталды.