Бұл жатақханада 10-нан астам бөлме бар. Біреуін шамамен 35 мың теңгеге жалға алуға болады. Бюджеттік қонақүйдің есігі тікелей тұрғын үй кешенінің балалар алаңына ашылатындай орналасқан.

Тұрғындардың айтуынша, мұнда ішімдік ішкен белгісіз қонақтар да келіп, терезе алдында мас күйде жиі төбелеседі. Адамдар тіпіт балаларын аулаға шығаруға қорқатындарын айтады.

Нәтижесінде бір-екі күн бұрын мұнда төбелес болып, қазір полицейлер "Денсаулыққа қасақана ауырлығы орташа зиян келтіру" бабы бойынша сотқа дейінгі тергеу амалдарын жүргізіп жатыр.

“Полицейлер келді. Айнала қан. Барлығы қорқып дүрбелеңге салынған. Балалар тіпті қорқады. Енді ойын алаңына қараңыз. Ешкім ол жерде ойнағысы келмейді”,- деді тұрғын Клара Жанұзақова.

Асыл Іңгібаеваның алты баласы бар. Тұрғынның аайтуынша балар ойнату үшін көрші аулаға апаруға тура келеді екен.

“Балаларымыздың бәрі көрші ойын алаңына барады. Себебі бұл жерде қылмыс болды дейді. Мүмкін, мұнда тіпті жеңіл жүрісті әйелдер де келеді”, – деді Асыл Іңгібаева:

Коммерциялық үй-жайлардың иелері және осы тұрғын үй кешенін толық емес құрылыс салушылар ғимараттың бірінші қабатында бюджеттік қонақүй ашу заңды түрде мүмкін екенін алға тартады. Ең бастысы, хостелдің жеке кіреберісі бар.

“Онда екі ер адам ешбір зат қолданбай, жұдырықтай төбелесті. Біз барлығына ішімдік ішпей өзін қалай ұстау керектігін ескертеміз. Бұл жерде адами факторы бар. Тұрғындардың да төбелеспейтініне ешкім кепілдік бермейді. Сондай-ақ тұрмыстық зорлық-зомбылық та бар шығар. Олар да топ болып төбелеседі.Бұл адами фактор, бұдан ешкім сақтандырылмаған”,- деді хостелді әзірлеуші компания директорының орынбасары Тимур Сипатов.

Талқылау