Алматы облысында алғар бөгетін су шайып кетуіне байланысты 150 адам эвакуацияланды
Алматы облысында сел қаупіне байланысты 150 адам эвакуацияланды. Бұл туралы Stan.kz ақпарат агенттігі хабарлайды.
"Қазселденқорғау" мекемесінің мәліметінше, су тасқынының әсерінен 22 шілде күні түнгі 00:30 шамасында Талғар бөгетінің бөрене ұстағышында жер дамбасының оң жағын су шайып кетті.
Салдарынан ұзындығы - 5,5 м, ені - 3 м, тереңдігі - 1,2 метрлік, көлемі шамамен 20 текше метр болатын шұңқыр пайда болды.
Оны қалпына келтірумен "Қазселденқорғау" филиалы айналысады.
Қазіргі уақытта су ағыны транзиттік режимде.
"Қазселденқорғау" Талғар өзенінің қауіпті учаскелеріне (көпір өткелдеріне) мамандардан құралған мобильді бақылау бекеттерін қойды.
"Сел" дабылын алғаннан кейін шұғыл түрде селдің қауіпті аймағынан демалушылар эвакуацияланды.
Бас-аяғы - шамамен 150 адам.
Еске сала кетсек, Алматы облысының Жамбыл ауданында толассыз жауған жаңбырдың салдарынан 140-қа жуық үйді су басқанын жазған болатынбыз.