Нөсер жаңбыр күтіледі: Алдағы демалыс күндеріне арналған ауа райы болжамы жарияланды
"Қазгидромет" РМК алдағы демалыс күндеріне арналған ауа райы болжамын жариялады. Бұл туралы Stan.kz ақпарат агенттігі хабарлайды.
Қазгидрометтің хабарлауынша, алдағы демалыс күндері елімізде атмосфералық ауа ағындарының ықпалы жалғасады.
Осыған байланысты күн күркіреп, жаңбыр жауады және күшті жел соғады.
"22 шілдеде шығыста, 22-23 шілдеде солтүстікте қатты жаңбыр жауады. Ауа температурасында күрт өзгеріс болмайды", – деп болжайды синоптиктер.
Талқылау