Суреттерде көпірдегі апаттан келген залал анық көрінеді. Керчен бұғазы арқылы созылып жатқан көпірде жанып жатқан цистерналардан шыққан түтін мен қираған көпір аралығы да көрінеді.

8 қазан күні таңертең Қырым көпірінде жүк көлігі жарылған. Жарылыс пен күшті өрттің салдарынан көпір жартылай опырылған. Үш адамның қайтыс болғаны расталды.

Ресей билігінің хабарлауынша, 9 қазан күні кешке Қырым көпірінің екі автокөлік жолағы бойымен қозғалыс іске қосылып, онда жарық мәселесі реттеліп, жаңа белгілер қойылған.

"Бұған дейін көпір кері режимде жұмыс істеді. Жол бөлігіндегі жарықтандыру реттелді, жаңа белгілер қойылды, тосқауыл қоршауы қалпына келтірілді. Енді көпір арқылы көлікпен жылдам өтуге болады", – деді Ресей вице-премьері Марат Хуснуллин Telegram-арнасында.

Сонымен бірге теміржол қатынасы да қайта жанданды. Симферополь - Мәскеу бағыты бойынша жолаушылары бар пойыз темір жол бойымен өтті.

Қырым көпіріндегі жарылыс: жүк көлігінің жүргізушісі тапсырысты қайдан алғаны анықталды

"Бұл әлі басы": Қырым көпіріндегі жарылысқа пікір білдірген Зеленскийдің кеңсесі соққының жалғасы болатынын меңзеді

Еске сала кетейік, Қырым көпірінде сенбі күні таңғы сағат алтылар шамасында жарылыс болды. Жүк көлігінің жарылуы төтенше жағдай нұсқасы деп танылды: бұл бақылау камерасының кадрларымен расталады.

Салдарынан екі вагон аралығы опырылып, жарылыс болған жерден өтіп бара жатқан пойыздың жанармай құйылған жеті цистернасы өртенген.

Соңғы мәліметтерге сәйкес, Қырым көпіріндегі жарылыстан үш адам қаза тапқан, деп жазады РИА Новости Ресейдің Тергеу комитетіне сілтеме жасап.

Ер адам мен әйелдің денесі судан шығарылған.

Сондай-ақ, Қырым көпірінде жарылған жүк көлігінің иесі Краснодар өлкесінің тұрғыны екені айтылады.

Талқылау