Павлодарда үш аса қауіпті қылмыскер колониядан қашып кеткен: Ақпаратқа қатысты деректер белгілі болды

Павлодардағы қауіпті қылмыскерлердің колониядан қашып кеткені туралы WhatsApp-та таратылған ақпарат расталмады, деп хабарлайды Stan.kz ақпарат агенттігі.

Облыстық қылмыстық-атқару жүйесі департаментінің баспасөз хатшысы Гүлжана Әбдуғалиеваның сөзінше, жазалау мекемесінен қашқан қылмыскерер тіркелмеген. Ақпарат шындыққа жанаспайтын болып шықты.

"Әлеуметтік желілерде АП-162/4 мекемесінде жазасын өтеп жатқан үш сотталғанның қашып кеткендігі туралы ақпарат тарауда. Біз бұл ақпараттың шындыққа сәйкес келмейтіндігін хабарлаймыз. Павлодар облысының қылмыстық-атқару жүйесі мекемелерінен қылмыскерлердің қашуы және сотталғандардың жазасын өтеуден жалтаруы тіркелмеген. Суретте көрсетілген адамдар АП-162/4 колониясында болмаған", - делінген министрліктің хабарламасында.

Мәселеге қатысты қылмыстық кодексінің 274-бабына сәйкес қасақана жалған ақпарат таратқаны үшін жауапкершілікке тартылады.