Соңғы жаңалықтар
Соңғы жаңалықтар

Оқушы қызды жамбасынан ұрып жіберген мұғалім 10 жылға жуық мерзімге түрмеге қамалды

Ресейдің Пермь қаласында жетіні сынып оқушысын ұрған математика мұғаліміне қатысты сот үкім шығарды, деп хабарлайды Stan.kz ақпарат агенттігі. 

Бұл туралы НТВ арнасында айтылды. 

Арна мәліметінше, математика мұғаліміне қатысты сот процессі жабық режимде өтті, себебі іс кәмелетке толмаған балаға қатысты зорлық-зомбылық болды. Сот Валерий Сыропятовты 9,5 жылға қатаң режимдегі колонияға қамауға үкім шығарды.

Сотталушының сөзіне қарағанда, оқиға мынадай күйде өрбіген: алгебра пәнінен үлгерімі төмен 7 сынып оқушысы сабақтан кетуге тырысқан, осы уақытта 25 жылдан бері сабақ беріп келе жатқан мұғалімнің жүйкесі сыр берген. Оқушыны шығарып, оны алақанымен артынан ұрып жіберген. Мұғалім бұл әрекетке педагогикалық мақсатта барғанына сендірмек болды.

"Тәртіпке салу сәті болу керек қой, тоқсан бойы оқымайды, 20 минут отырды да кетті. Анасынан шағым түсті - сіз менің қызымды жамбасынан ұрыпсыз деген. Мен мұны мойындаймын. Және отбасыдан кешірім сұраймын. Мен заңға қайшы ештеңе жасамадым", - деді Валерий Сыропятов.

Ал тергеушілер Сыропятовтың іс-әрекеттерінде интимдік көріністерді байқады. Сонымен қатар, мектеп оқушысы мұғалім ұзақ уақыт бойы арам ойын айқын сездіріп келгенін айтты. Және де сотталушының айтқаны оқиғаның тек бергі жағы екен. Мемлекеттік айыптаушылар жазықсыз соққылардың өзін ғана сексуалдық сипаттағы зорлық-зомбылық әрекеттері деп бағаламайтынын түсіндіреді.

"Сараптамалық зерттеулер жүргізілді, нақты айта алмаймын, бұл жабық отырыс. Бірақ сот алқасы сотталушының кінәсін мойындау үшін дәйектер жеткілікті болды", - деді Орджоникидзе ауданы прокурорының көмекшісі Дмитрий Шишкин.

Оқиға куәгерлері табылған жоқ, өйткені Сыропятов көрші кабинетте профилактикалық әңгіме жүргізген. 

"Жетінші сынып оқушысын басқаларға бақылауды жазуға кедергі болмас үшін алып шықтым",  - деп түсіндірді бұл әрекетін сотталушы.

Алайда оның бұл әрекеті оған қарсы қолданылып, ұстаз түрмеден бір-ақ шықты.

Талқылау
Пікір
Қазір оқып жатыр
Çàãðóçêà...
Қазір оқып жатыр