"Туған қызы мен қарындасын күнде зорлайтын": 20 жыл күйеуінің құлдығында болған елордалық әйел сұмдық жайтты баяндады

20 жыл құлдықта болған елордалық Шолпан Көшербаева басынан өткен жантүршігерлік жайттарды айтып берді. Ол 3 адамның өлімін өз көзімен көріпті.

Бұл туралы Stan.kz ақпарат агенттігі Евразия арнасына сілтеме жасап хабарлайды. 

Енді дәл қазір оны да өлтіреміз деп артынан қалмай қорқытып жүр. Басынан өткенін айтсаң, адам нанғысыз. Көзін қышқылмен күйдірген, апталап тамақ бермеген, арақты мәжбүрлетіп ішкіздіріп, зәбір көрсеткен. Сорақысы мұның бәрін істеп жүрген бөтен адамдар емес, күйеуі мен оның туысқандары.

Қоғамда үлкен резонанс тудырған адам айтса нанғысыз, сұмдық  оқиғаның басты кейіпкері - Шолпан Көшербаева бұл. Денесінің сау жері жоқ. Тағдыры тым қиын болыпты. Ажырасқан, қолында екі баласы бар Шолпан екінші рет күйеуге шығам деп ойламапты. Бірақ бір жыл өтпестен тағы ғашық болады. Сонысы үшін әлі күнге дейін өкінеді.

"Менің сол көзіме қышқылды сеуіп жіберді. Не үшін деп сұрадым. Жай деді. Одан бөлек кеудеме пышақ сұққан кездері болған. Жалпы, ішіп алып істемегендері жоқ", - деді Шолпан.

Күйеуінің тұрақты жұмысы болмаған. Үйге күніге бөтен біреулерді ертіп, ішеді дейді. Ал арақ- шарабының ақшасын ұрлықпен тапқан көрінеді. Алайда көрмегенді Шолпан ғана көрген жоқ. Күйеуі олармен бірге тұрған туған қарындасы мен оның 5 жасар қызын күніге зорлапты. Өзі ғана емес, сырттан келген алқаш достары да.

"Тамақты апталап бермеген кездері болған. Туған қызын да зорлайтын", - деді жәбірленуші Шолпан Көшербаева.

20 жыл бойы "осымен қоятын шығар" деп шыдап келген Шолпанның шыдамы былтыр қазан айында таусылды. Бәрі ұйықтап жатқанда қашып кетті. Алайда полицияға бірден арыз жазса да, оны әлі күнге қабылдамапты. Өйткені полицейлер таныс-тамырым жоқ мені емес, ауылдық әкімдікте жұмыс істейтін күйеумнің әпкесін тыңдайды дейді Шолпан. Ал қарсылық білдірсе болды, жындыханаға жатқызамыз деп қорқытыпты.

«Ол 20 жыл бойы құлдықта өмір сүрсе де, әлі күнге дейін арызымды қабылдаңызшы деп бәріне жалынып жүр. Бұл не деген масқара?  Қылмыстық істі қозғамаған. Ешқандай шара да қолданбай келеді», - деді құқық қорғаушы Талас Сағымбаев.

Жантүршігерлік қылмыстар жасалды делінген тұрғын үйге өзіміз де бардық. Алайда үйден ешкімді таппадық.

Ал көршілері Шолпан қашып кеткелі бері, оларды мұнда көрмедік, соған қарағанда полиция келеді деп қорыққан ғой дейді.

«Иә, бұл пәтерде тұрған, бірақ міне 2 ай болды оларды көрмедік. Үнемі айқай-шу болатын осы үйде. Бөтендер көп келетін. Бірге тұратын кішкентай балақайлары бар. Үнемі қараусыз, бет-қолы жуылмаған болып жүреді әйтеуір. Талай рет шағымдандық, бірақ нәтижесі болмады», - деді көршісі Әсем.

Шолпанның азаматтық некедегі жұбайынан тапқан екі баласы бар. Бірақ оларды көрмегеніне көп болды оның. Күйеуінің әпкесі өзіне алып кетіп, Шолпанды ата-ана құқығынан айырған көрінеді. Ал қазір әбден қорқып, күйеуінен тығылып жүрген оның бар арманы қалған өмірін балаларымен бірге бақытты сүру.  

Талқылау
Пікір
Соңғы ЖАҢАЛЫҚТАР

Қазақстанның қай аймағында ауа ластануы басым екенін экология министрлігі айтты

Павлодар облысы ауа ластауда алдыңғы қатарға шықты

"Какой у тебя род? Кто твои родственники?". Какие вопросы задают казахи на первом свидании

Павлодарда жолаушы қызды зорлаған көлік жүргізушісі сотталды

Үш жарым жыл жаза кесіп, жәбірленген қызға миллион теңге моральдық өтемақы төлеуі тиіс. 

Қытай Қазақстанға өз азаматтарын Уханьнан эвакуациялауға рұқсат бермеді

Қазақстан Қытайға өз азаматтарын еліне қайтару мүмкіндігін сұрап хат жолдаған болатын.

Алматыда депутатты тонап кетті: Серік Күдебаев полицейдің әрекеті үшін кешірім сұрады

Қазір қылмыс орны бақыланып жатыр

140 мың теңге үшін: Ақтөбе күйеуі әйелін өлтірген қылмыскерлерді өмір бойына сотталуды қалайды

Әйелдің артында күйеуі мен үш баласы қалды

Қазақстанда шетелдік нөмірлі көліктерге сары белгі ілінеді

18 санмен сары түспен көрсетіледі

"Мен сені сүйемін": Бүркіт Аишаны туған күнімен құттықтады

Әнші желіде жүрекжарды жазбасын арнады

Анасы жаңа туған нәрестені кір жуғыш машинаға салып жуып тастады

Әйелдің күйеуі полицияға жүгінді

Доллар қайта қымбаттай бастады

Жұмадан бері доллар 1,62 теңгеге қымбаттады
Çàãðóçêà...