"Несие алу үшін барлық банкке өтініш берген": Айгүл Мүкей алаяқтардан сақтануға шақырды
Белгілі журналист Айгүл Мүкей алаяқтарға тап болғанын айтып берді. Бұл туралы Stan.kz ақпарат агенттігі хабарлайды.
Фото: Жеке парақшадан алынды
БАҚ өкіліне "Энергосбыт" өкілімін деп таныстырған бейтаныс біреу қоңырау шалған.
"Ол маған "сізге хабарлама кетті, маған жіберіңіз" дейді. Басында түк түсінбедім, ол хабарлама маған келмеді, біраз уақыттан кейін келді. 1414-тен келген хабарламаны айтыңыз дейді. Маған 1414-тен "Энергосбыт" деп ешқашан да қоңырау шалған емес. Екі сағаттан кейін маған "Сәлеметсіз бе, мен Елизавета Андреева Есімовамын. Еговтан хабарласып тұрмын" дейді", — деп бастады әңгімесін журналист.
-
"Балиге авторлық тур": Шетелде демалмақ болған бір топ қазақстандық алаяққа алданып қалды
-
Әйел желіде танысқан алаяққа алданып, 77 миллион теңге аударып жіберген
Медиа өкілінің сөзінше, қоңырау шалған әйел Мүкейдің EGov порталындағы жеке кабинеті арқылы бірнеше мәрте кіруге әрекет жасалғанын хабарлаған. Артынша, тележүргізушінің атынан барлық банктерге несие алуға өтінімдер берілгенін мәлімдеген.
"Мен не істерімді білмедім. Күйеуім де "Айгүл, ол да алаяқ" деді. Мен "жоқ, алаяқ емес" деп қоямын. Ол маған “қазір біз Ұлттық банк пен Ұлттық қауіпсіздік комитетіне арыз түсіреміз” деді. Мен тұтқаны қойып тастадым, сосын ол маған жаза бастады. Маған ұрысып, "тұтқаны неге қоясыз" дейді. Мен "Ұлттық банкке барамын" дедім. Ол "сіз ұлттық банктің не екенін білесіз бе? Олар не арыз қабылдайтын ба еді?" деді. Содан менен де, одан да арыз қабылдамайтынын түсіндім", — деді Айгүл Мүкей.
Еске салайық, қазақстандық алаяқтықтың жаңа түрі пайда болғанын айтып, көлік жүргізушілеріне ескерту жасаған еді.