НеМолчи қоры қаржылық мәселелерге байланысты жұмысын уақытша тоқтатты

Фото: nemolchikz_official

НеМолчи қоры қаржылық мәселелер мен команданың шаршауына байланысты сенім телефонын уақытша жауып жатыр. Бұл туралы Stan.kz ақпарат агенттігі хабарлайды.

24 қарашадан бастап Черногорияда Дина Смайлова мен Алмат Мұхамеджановтың карталары бұғатталған, ал қазақстандық карталардан келген қайырымдылықтар келмей қалады. Бұл туралы қордың Instagram аккаунтындағы жазбада жарияланды.

Сондай-ақ қордың ерікті оператор басын ұрып алып, есінен танып қалған екен. Олар операор қызды тексеруге қаражат та жоқ екенін айтты.

"Команда шаршап қалды, біз үзіліс жасап, карта мен қайырымдылық мәселелерін шешуіміз керек; біз бұлай жұмыс істей алмаймыз. Бізден жедел көмек сұрайтындар көп, бірақ қолдау өте шектеулі, және біз түсінеміз", – делінген жазбада.

Қазір қор сенім телефонын жауып, жаңа істерді қабылдамайды. Ал 30-дан астам іс қаралып жатыр.

2024 жылдың сәуірінде Динара Смаиловаға Қазақстанның сұрауы бойынша алты қылмыстық іс бойынша айып тағылып, ол Черногорияда ұсталған еді.

Алайда келесі күні-ақ Подгорица соты Динара Смаилованы босатып, оның төлқұжатын тәркілеп, экстрадиция процесін оның қорғау туралы өтініші қаралғанға дейін тоқтатты. Смаилованың өзі барлық айыптауларды жоққа шығарып, оларды саяси астары бар деп санайды.

Журналистерге берген сұхбатында ол бұл қылмыстық істердің қолдан жасалғанын және оның әйелдерге қатысты зорлық-зомбылыққа қарсы күресіп жүрген, полицияның бейжайлығын әшкерелейтін қор жұмысына тікелей байланысты екенін айтқан.

Дина Таңсәрі отбасымен бірге Қазақстаннан 2021 жылы кетіп, алдымен Грузияға тұрақтаған, алайда бұл ел 2023 жылы оған кіруге тыйым салғаннан кейін Черногорияға қоныс аударған.

Жергілікті құқық қорғау және әйелдер ұйымдары Смаилованы қайтармауға және оған баспана беруге шақырды. Нәтижесінде оған саяси баспана берілді.

Бұған дейін Бас пркуратура Дина Таңсәрі Черногория билігінен баспана сұратқаны туралы мәлімдеген еді.