"Не қарайсың?": Елорда тұрғыны бейтаныс адамды қарағаны үшін сұлатып салды

Нұр-Сұлтан қаласында бұзақы өзіне қараған ер адамды ұрып құлатты. Оқиға бейнебақылау камерасының объективіне түсіп қалған, деп хабарлайды Stan.kz ақпарат агенттігі елордалық ПД баспасөз қызметіне сілтеп.

Полицейлердің ақпаратына қарағанда, елордалық тұрғын өз үйінің кіреберісіне келіп, жанында мас күйінде тұрған бейтаныс адамды көрген. "Неге қарайсың" деген сұрағынан кейін бейтаныс адам оған жұдырық жұмсаған. Алған соққы әсерінен үй иесі сол жерде есінен танып қалған.

Оқиға орынан өтіп бара жатқан ер адам жәбірленушіге есін жиюға көмектескен. Жәбірленуші оянған соң үйіне барып, полицияға шағымданған. 

Бұзақылық ниетпен адам жарақаттаған 29 жастағы бұрын сотталған азамат ұсталды. Аталған факті бойынша бойынша сотқа дейінгі тергеу амалдары жүргізілуде.

Талқылау
Пікір
Қазір оқып жатыр
Çàãðóçêà...
Қазір оқып жатыр