Назарбаев Қауіпсіздік кеңесінде кадрлық өзгеріcтер жасады
Назарбаев Қауіпсіздік кеңесінде кадрлық ауыс-түйістер жасады.
Қазақстан Қауіпсіздік кеңесінің төрағасы Нұрсұлтан Назарбаев кадрлық өзгерістер жасады, деп хабарлайды Stan.kz ақпарат агенттігі.
Қазақстан Республикасының Тұңғыш Президенті - елбасының шешімімен Тәшімбаев Тимур Ғазизбекұлы - Қауіпсіздік Кеңесі хатшысының орынбасары қызметіне, Есенеев Қайыргелді Қайратұлы - Қауіпсіздік Кеңесінің әскери қауіпсіздік және қорғаныс бөлімінің басшысы қызметіне, Бейспеков Азамат Өмірзақұлы - Қауіпсіздік Кеңесінің әскери қауіпсіздік және қорғаныс бөлімі басшысының орынбасары қызметіне тағайындалды.
Басқа жұмысқа ауысуына байланысты Баймұқашев Мұрат Қалибекұлы - Қауіпсіздік Кеңесі хатшысының орынбасары қызметінен, Калинин Андрей Анатольевич - Қауіпсіздік Кеңесінің әскери қауіпсіздік және қорғаныс бөлімі басшысының орынбасары қызметінен босатылды.