"Мұртты қарандашпен сыздық": "Нұрлан мен Мұрат" тобы образдарының сырын ашты

2000 жылдары ерекше образымен хит болған Нұрлан мен Мұрат тобы имидждерінің құпиясын ашты. Бұл туралы Stan.kz ақпарат агенттігі хабарлайды. 

Фото: Жеке парақшадан алынды

Өнер иелері Esquire Podcast-та қонақ болып, өткенге шегініс жасады. 

“Гуля Диярова деген продюсеріміз болды. Соның айтқан образын істедік. Идея авторы сол кісі еді. “Бір ай сақал-мұртты алмай, шаш қимай жүресіңдер” деді. Азып-тозғанның көкесін сол кезде көрдік. Бір күні бәрі өсіп болғасын сұлулық салонына апарды. Ол жерде бізді тырнағын бояп алған бір жігіт қарсы алды. Шашымызды сипап, бет-аузымызды ұстағанда біртүрлі болады екенсің. Сол кісі қарындашпен бетімізге мұрттың формасын салып берді. Моңғол стиліндегі адамдар болып шыға келдік. Сол кезде “шетелский” болдық”, – деп күлді Нұрлан Әмір. 

• Сахнадан көрінбей кеткен Нұрлан мен Мұраттың қайда жүргені белгілі болды

• "Аяқ-қолым істемей қалды": Әнші Мұрат Қожа ауыр дертке шалдыққанын айтты

Сонымен қатар Нұрлан Әмір басында телпектің де қайдан келгенін айтты. 

“Ол кезде менің жасым 35-те болатын. Гуля продюсер “Қартайып келе жатсың, ертең шашың түсіп қалады” деп телпек кигізу идеясын ұсынды. Одан кейін көзімде тыртық бар еді. Соны жабу үшін көзілдірік тақтық. Сол уақытта бес шапан тіккізді. Соны біраз жыл кидік. Продюсеріміздің идесын креатив деп айтар едік”, – деді топ солисі.

Еске салайық, "Басымызға мылтық тақап, бетімізге ақша шашты" деп "Нұрлан мен Мұрат" тобы бастан кешкен оқыс оқиғасын есіне алған еді.