Минус 15 градусқа дейін аяз: Синоптиктер алдағы үш күнде ауа райы қандай болатынын айтты
"Қазгидромет" синоптиктері алдағы үш күнге арналған ауа райы болжамын жариялады, деп хабарлайды Stan.kz ақпарат агенттігі.
Қазгидромет елдің батысы мен солтүстігінде жауын-шашын болады деп хабарлайды.
"Скандинав аудандарынан келетін циклон, республиканың батыс және солтүстік өңірлеріне ауысады. Ал оңтүстік және орталық аудандар оңтүстік циклон ықпалында қалады. Ол жаңбыр мен қар түріндегі жауын-шашын алып келеді", - делінген ақпаратта.
Елдің солтүстігі мен батысында оған қоса боран, оңтүстігінде жаңбыр, ал таулы, тау бөктеріндегі аудандарда қатты жауын-шашын, тұман, көктайғақ болады.
28 наурызда елдің оңтүстік және оңтүстік-шығыс бөлігінде жауын-шашын жаумайды. Республика бойынша жел күшейеді.
Солтүстікте: түнгі температура 5...15 аязға дейін, күндіз 5 градус аяз...3 градус жылыға дейін болады.
Оңтүстікте: түнде 6 градус аяз...5 градус жылы аралығында, күндіз 12...17-ден плюс 5...10 дейін төмендейді.
Батыста: түнде 5 аяз...5 жылы, күндіз термометр бағаны 0...10 градус жылыны көрсетеді.
"Күйеуімді қазақша Дарын деп атайды": Ағылшын азаматына тұрмысқа шыққан қазақ қызы оқиғасын бөлісті
