"Мінсіз ене таптым": Тойда рэп оқыған әйел желіні шулатты

Желіде тараған бейнежазба қазақстандықтардың қызу талқысына түсуде. Онда әйел той үстінде рэп орындаған, деп хабарлайды Stan.kz ақпарат агенттігі “Azattyq ryhy” порталына сілтеме жасап.

“Күні бойына қуаттанып жүру деген осы. Мінсіз ене тапты”, – деп жазылған instagram парақшасындағы пікірлерде. 

Әйел өткен ғасырдың 90-жылдары жазылған рэп-әртіс Кулионың композициясын орындап желі арқылы бүкіл қазақстандықтарды таңдандырды.

“Тамаша жарайсың! Жасына сай келмейді деген пікір дұрыс емес. Сізде осындай жасқа жетіңіз, сол кезде түсінесіз қандай кезеңде болсаң да ән айтып би билеп тұратын жаныңның әрқашан жас болып қалатынын. Керемет маған ұнады, егерде менің де енем сіз секілді болса бірге шығып ән айтар едім! Қошемет көрсетемін! Мәссаған керемет оқыды”, – деген пікірлер желіде желдей есуде.