Мейрамханадағы өрт: Екі адам күйік алды
Нұр-Сұлтанда «Мельница» мейрамханасынан шыққан өрт сөндіріліп бітті. Салдарынан екі адам күйік алды, деп хабарлайды Stan.kz ақпарат агенттігі қалалық Төтенше жағдайлар департаментіне сілтеме жасап.
«Өрт сөндірушілер оқиға орнына сағат 15:12-де барғанда мекеменің бір бөлігі жанып жатқан. Тілсіз жауды ауыздықтауға 30 маман және 6 өрт сөндіру техникасы жұмылдырылды. Жалын 17:18-де сөндіріліп бітті. Өрт 200 шаршы метр аумақты қамтыған», – делінген хабарламада.
Өрттен күйік алған екі адам медициналық көмекке жүгінген.
Айта кетсек, Нұр-Сұлтан қаласында «Мельница» мейрамханасынан сағат 15: 09-да өрт шыққандығы хабарланған болатын.
Талқылау