Метрода ән шырқаған қаңғыбас әйел ерекше даусымен көпшілікті таңдай қақтырды (видео)
Лос-Анджелес қаласындағы метрода үй-күйсіз әйел ән шырқап, жолаушыларды опералық даусымен қайран қалдырды. Оның видеосы желіде жылдам тарап кетті.
Бұл туралы Stan.kz ақпарат агенттігі usa.one басылымына сілтеме жасап хабарлайды.
«4 миллион адам Лос-Анджелесті үйім деп атайды. Төрт миллион оқиға, төрт миллион дауыс... Кейде керемет жағдайға куә болу үшін, жай ғана тоқтап, олардың бірін тыңдап көру керек», - деп жазды видеоны түсірген полиция қызметкері.
Видеода платформада арба және бірнеше сөмкемен тұрған әйел Пуччинидің туындысын орындауда. Артынша ол өзін полиция қызметкері камераға түсіріп тұрғанын көріп, оған жақын келіп, ән шырқауын жалғастырды.
4 million people call LA home. 4 million stories. 4 million voices...sometimes you just have to stop and listen to one, to hear something beautiful. pic.twitter.com/VzlmA0c6jX
— LAPD HQ (@LAPDHQ) September 27, 2019
Жергілікті тұрғындар әйелді сол ауданнан көріп жүргендеріне 10 жылдай уақыт болғанын айтады. Тұрғындар оның виолончель ойнап тұрғанын, құстарға тамақ беріп жүргенін көрген. Ал кейбірі оның орыс тілінде сөйлегенін естіпті.
Журналистер анықтағандай, жұмбақ әншінің есімі – Эмили Замурка. Ол 52 жаста екен. Әйел 24 жасында Ресейден АҚШ-қа көшіп келіп, музыка сабағын беріп, ақша тауып жүрген.
Әйелдің сөзінше, ол денсаулығына байланысты қиындықтары болғандықтан, тапқан табысын күн көруге әрең жеткізіпті. Сондықтан бірнеше жерде жұмыс істеуге мәжбүр болған.
#update Tonight hear from the subway soprano captured on camera in a #viralvideo by an #LAPD officer.
— Leanne Suter (@abc7leanne) September 30, 2019
Her story, her song and her struggle at 11pm @ABC7 #subwaysinger #thatvoice pic.twitter.com/EHhklIEgTt
Эмили көшеде срипка тартып жүрген. Алайда үш жыл бұрын музыкалық аспабын ұрлап кетіпті. Артынша Замурка баспанасынан да айырылып қалады. Сол кезде ол ән шырқай бастапты.
«Қазір көлік тұрағындағы картон қорапта түнеп жүрмін. Кейбірі мені аяйды. Алайда ешкімге масыл болғым келмейді», - дейді Эмили Замурка.
Әйелдің классикалық музыкалық білімі болмаса да, ол ән шырқап, музыкалық аспаптарда ойнағанды жақсы көреді. Болашақта осы арқылы табыс тапсам деген үміті де жоқ емес.