Месси шілде айының соңына таман Барселонаға оралуы мүмкін
Аргентина құрамасы мен ПСЖ көшбасшысы Лионель Месси шілде айының соңына қарай Барселонаға қайта оралады деп хабарлайды Stan.kz ақпарат агенттігі Vesti.kz сайтына сілтеме жасап.
Испаниялық Sport басылымының журналистеріне белгілі болғандай, Барселона клубы футбол жұлдызының елге оралу мерзімі анықталған. Клуб Мессидің Америка Құрама Штаттарындағы маусым алдындағы тур басталмай тұрып оралғанын қалайды. Ол 19-30 шілде аралығында өтеді деп жоспарланған.
Қазіргі уақытта Лионель Месси маусымды ПСЖ сапында аяқтауды ойлап жүр. Қазіргі келісімшарт 35 жастағы аргентиналықты маусым айының соңына дейін Лига 1 алыптарымен байланыстырады.
Айта кетейік, есси "Барселонадан" 2021 жылдың жазында кеткен болатын. Одан кейін каталондықтар қаржылық қиындықтарға байланысты жұлдызына жаңа келісімшарт ұсына алмады.
Талқылау