"Мені тоғыз жыл бойы ұрып-соқты": Шымкенттің экс-әкімінің ағасы Марат Әйтеновтің әйелі сотта сөйледі
Шымкенттің экс-әкімі Мұрат Әйтеновтің ағасы Марат Әйтеновтің бұрынғы әйелі Дана Әтешева өзін және балаларын үйінен күштеп шығару ісі бойынша сотта сөйледі. Бұл туралы Stan.kz ақпарат агенттігі хабарлайды.
Фото әлеуметтік желіден
Жәбірленуші 12 шілде күні оянып, таңғы асын әзірлей бастағанын, себебі үйден ресми шығару уақыты 14.00-ге белгіленгенін атап өтті. Әйел заттарын асықпай жинамақ болған.
"Күзетшілер телефон соғып, маған үлкен көліктер келгенін айтты. Терезеден қарасам, ер адамдар үйді қоршап алыпты. Мен қорқып кеттім. Өйткені шығу уақыты 14.00-ге белгіленген еді, ал ол кезде сағат 09.00 еді", – дейді жәбірленуші.
Көшеде әйел Марат Әйтеновті көмекшісін көріп қалған, ол жәбірленушіге бұрынғы күйеуінің бұйрығымен келгенін айтыпты.
Дана Әтешева сол кездегі өзінің және балаларының қандай жағдайда болғанын айтты.
"Мен үйге бардым, балалар қатты қорқып кетті, мен оларды тыныштандырдым, таңғы ас іше бастадық. Біздің әпкелеріміз де келіп, көшуге көмектесетін болды. Балалар қорқып кетті. Мен ертерек көшу үшін, заттарды шығара берген дұрыс деп шештім. Бірақ шығатын есікті жауып, заттарды шығаруға рұқсат бермеді. Мен 112-ге қоңырау шалдым - жауап жоқ. Нәтижесінде екі полиция қызметкері келді, мен оларға заттарды шығару үшін жолды ашып беруді өтіндім. Олар жеке сот орындаушылардың мүддесін қорғау үшін келдік дейді. 102-ге хабарлас деді", – дейді Дана Әтешева.
Оның айтуынша, жеке сот орындаушылар ескертусіз есікті бұзып, үйдің бірінші қабатын бұзуға кіріскен.
"50-ге жуық адам келді, олардың 30 шақтысы күзетші болды. Олар барлық ыдыстарды алып, қытайлық сөмкеге лақтырып жіберді, барлығы сынды. Мен олармен келісімге келуге тырыстым", - дейді жәбірленуші.
Дана Әтешева сотта бұрынғы күйеуінің оны тұрмыста болған уақытының барлығында ұрып-соққанын айтты.
"Содан соң Әйтенов мені ұстап алды. Мен айналамдағы еркектерден көмектесуді сұрадым, бірақ жоқ, ешкім көмектеспеді. Мен полицияға бәрін айттым, ол мені тоғыз жыл бойы ұрып-соқты, тым болмаса, сіздің көз алдыңызда мұны істеуіне жол бермеңіз. Бірақ олардың бәрі үнсіз тұрды. Сосын ол мені сүйрей бастады, менің немен соқтығысып қалғаныма, басымның соғылғанына да қарамады", – дейді Дана Әтешева.
Еске салсақ, бұған дейін Шымкент қаласының экс-әкімі Марат Әйтеновтің бұрынғы әйелін балағат сөздер айтқаны үшін сотқа бергені туралы жазған едік.