Бір қызығы, отбасын құрғанға дейін Бүркіт те, Аиша да бала асырап алуды армандаған. Аишаның бұған өз себебі бар. Бала кезінен жалғыз өскен ол үлкен отбасылы болуды армандапты. Алайда уақыт өте келе, бала тәрбиелеудің қиын іс екенін түсінгеннен соң асырап алу туралы ойынан айныған.

"Кейде өз балаларыма да жеткілікті дәрежеде көңіл, уақыт бөле алмаймын. Сондықтан оған әлі дайын емес сияқтымын", – деді ол.

Сол сияқты Бүркіт те Аишамен отбасын құрғаннан кейін, шеттен бала алу туралы ойынан бас тартқан. Ал өз балаларына келгенде Бүркіт қатал әке болып шықты. Тіпті қажет болған жағдайда белдікпен қорқытатыны бар екен.

"Қатал сөйлейді. Ер адам болғаннан кейін, айтқан сөзінің бірден орындалғанын қалайды. Екінші жағынан, балаларым сарбаз емес қой. Олар да енді өмір сүруді үйренуде. Бұл тақырыпта үнемі таласып қаламыз. Кейде мен келісемін. Кейде "араларына неге түсемін?" деген ой келеді. Бірақ өзіңді ұстау қиын", – деп ағынан жарылды Аиша.

"Мен балаларыммен сөйлескенде, сен араласпа" деп айтып отырамын", – дейді Бүркіт.

Қос ұлын әскери тәртіпке салғысы келетін Бүркіт кенже қызы дүниеге келгенде өзгеріп шыға келген.

"Қыз балаға жұмсақ болуға тырысады", – дейді Аиша.

"Бірақ тоқтамай жылай бастаған кезде..." – деп басын шайқады Бүркіт.

"Ішпейді, шекпейді, қоқысты төгеді": Махаббат Мүсілім Тәуекелдің отбасында қандай екенін айтты

"Кеше балаларды сүндетке отырғыздық. Ұлдарға бар назарымыз ауып кеткенге, оған жетпей қалды. Бізді өзіне қарату үшін жылай салады. Балалардың бәрі солай. Тіпті ойыншыққа таласқанда біздің көңіл аударғанымызды қалайды", – дейді Аиша.

Айта кетейік, осы сұхбатта Бүркіт өзі тұрғызған зәулім үйлері мен автотұрағындағы қымбат көліктерін көрсеткен еді.

Талқылау