"Мен сені құртамын": Шымкенттік журналистер полицияның озбырлығына қарсы наразылық акциясына шықты
Алтынтөбедегі наразылық күтпеген жерден басқа жанжалға ұласты: аймақтағы журналистер жергілікті полицейлердің озбырлығына ашуланды. Баспасөз өкілдері түсірілімге тыйым салып, қол жұмсауға тырысқандарын айтты. Оның үстіне, бұл, бірінші рет емес. Бұл туралы Stan.kz ақпарат агенттігі "КТК" арнасына сілтеме жасап хабарлайды.
"Осы жерде адамдарды түсірдік. Жара соншалықты ауыр және терең емес. Ең бастысы, бізді мойындамайтыны, журналистер мойындамайтыны өкінішті";
"Мен оған құжаттарымды, журналист екенімді көрсеттім. Біраз уақыттан кейін ол маған келіп, айтты: "Мен сені құртамын", – деп журналистер тұрғындар наразылыққа шыққан кездегі оқиғаны айтып берді.
Полиция Алтынтөбеде наразылық білдірушілерді ұстаған кезде журналистер зардап шеккен. Тәртіп сақшылары баспасөздің заңды жұмысына кедергі келтірген. Корреспонденттердің бірі қолшатырдан жарақат алды, оны жаңбырлы күн болғандықтан, бейнекамераны жауып тұру үшін пайдаланған. Қолшатырды полиция қызметкері объективті жабуға тырысқан кезде сындырды. Басқа баспасөз қызметкері бетінен соққы алды.
Бұл Шымкент полицейлері журналистік қызметке кедергі келтіріп, өздеріне ие бола алмаған бірінші жағдай емес. Бір ай бұрын жергілікті базардағы өртті сөндіру процессін түсірген тілшілер зардап шекті.
Полицияның қатігездігіне төзуден жалыққан журналистер наразылық акциясына шықты. Баспасөз өкілдері плакаттар ұстап, полиция департаментінің ғимаратына барып, екі факт бойынша кінәлілерді жауапқа тартуды талап етті. Басшылық мәселені шешуге уәде берді.
"Егер қызметкерлерім кінәлі болса, мен олар үшін кешірім сұрауға дайынмын. Кешіріңіздер. Енді біз заңды шаралар қабылдаймыз. Әрбір дерек бойынша. Барлығы ашық болады", - деді Шымкент қалалық полиция департаментінің бастығы Ералы Жұмаханбетов.