Мемлекет басшысы қазақстандықтарды отбасы күнімен құттықтады

Қазақстан президенті Қасым-Жомарт Тоқаев қазақстандықтарды Отбасы күнімен құттықтады, деп хабарлайды Stan.kz ақпарат агенттігі.

“Баршаңызды Отбасы күнімен құттықтаймын! Бұл мерекенің Отанымыз үшін маңызы айрықша. Бақытты әрі берік шаңырақ – еліміздің игілігі мен өркендеуінің кепілі. Мемлекет отбасы институтын қолдап, осы салада кешенді саясат жүргізе беретін болады”, – деп жазды Тоқаев Twitter-де.

Отбасы күні 2013 жылы бекітілген. Мереке қыркүйектің әр екінші жексенбісінде атап өтіледі. 2021 жылы бұл күн 12 қыркүйекке тура келеді.