Мәжіліс сайлауы онлайн-режимде өткізілмейді

Қазақстан Орталық сайлау комиссия төрағасы Берік Имашев депутаттар сайлауын онлайн - режимде өткізбейтінін айтты, деп хабарлайды Stan.kz ақпарат агентігі. 

"Сайлау процесі "Сайлау туралы" заңмен реттеледі және осыған байланысты бізде онлайн-дауыс беруге қатысты сұрақ болған жоқ. Бұл сайлауды әдеттегі жүйе бойынша, қағаз бюллетеньдермен өткізетін боламыз, яғни біздің сайлаушылар үшін бұл тұрғыда ешқандай жаңалық болмайды", - деді Берік Имашев ОСК отырысында.

Естеріңізге сала кетейік, Қасым-Жомарт Тоқаев мәжіліс сайлауын 2021 жылдың 10 қаңтарына тағайындады.