Мәншүк Мәметова шыңында жоғалған ер адам табылды

Алматыдағы Мәншүк Мәметова шыңының мұздығында жоғалған ер адам табылды, деп хабарлайды Stan.kz ақпарат агенттігі. 

"Республикалық жедел-құтқару жасағының құтқарушылары жоғалып кеткен ер адамды М.Мәметова шыңының мұздығынан тапты. Бүгін мұздықты тексеру кезінде РЖҚЖ қызметкерлерінің жаяу тобы ер адамды тапты. Ол қатты тоңып қалған, құтқарушылар оған жылы киім берді. Медициналық көмекке мұқтаж болған жоқ. Қазіргі уақытта РЖҚЖ жедел тобы таудан туристпен бірге түсіп келе жатыр", – делінген хабарламада.

Еске сала кетсек, Іле Алатауы тауларында Мәншүк Мәметова шыңына жалғыз аттанған ер адам іздестіріліп жатқанын хабарлаған болатынбыз.