Әрбір құжат үшін 30-50 мың теңге: Маңғыстауда дәрігерлер 150-ден астам вакцина паспортын сатқан
Маңғыстау облысының полиция департаменті Криминалдық полиция басқармасының қызметкерлері іс жүзінде екпе алмай, вакцинацина паспорттарын заңсыз алу фактісін анықтады. Барлығы 150-ден астам құжат берілген, деп хабарлайды Stan.kz ақпарат агенттігі Маңғыстау облыстық полиция департаментіне сілтеме жасап.
Белгілі болғандай, сегіз адам ұсталған.
"Жалған вакцинация паспорттарын екпені салмай сатқаны үшін сегіз адам анықталды, олардың арасында дәрігерлер мен делдалдар да бар", – деді аймақтық полиция департаменті.
Базада тіркелген әрбір құжат үшін медицина қызметкерлері 30-50 мың теңге алып отырған. Ұсталғандар 150-ден астам вакцинация төлқұжаттарын заңсыз бергендерін мойындады.
Қазіргі уақытта полицияда Қылмыстық кодекстің 385-бабының 2-бөлігі "Бірнеше рет немесе адамдар тобы алдын ала сөз байласу арқылы жасалған жалған құжаттарды қолдан жасау, дайындау немесе өткізу" бойынша сотқа дейінгі тергеу басталды. Егер күдіктілердің кінәсі сотта дәлелденсе, айыпталушылар төрт жылға дейін бас бостандығынан айырылуы мүмкін.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген