Маңғыстау облысының әкімі Жаңаөзен тұрғындарымен кездесті
Маңғыстау облысының әкімі Нұрлан Ноғаев Жаңаөзен қаласындағы сұйытылған газ бағасын төмендетуді талап етуші тұрғындармен кездесті, деп хабарлайды Stan.kz ақпарат агенттігі.
Нұрлан Ноғаев алаңға жиналғандарға мемлекет басшысы Қасым-Жомарт Тоқаевтың тапсырмасы бойынша Жаңаөзен қаласындағы жағдайға қатысты Үкімет қабылдаған шараларды түсіндірді.
Қазіргі таңда премьер-министр Маминнің өкімімен Маңғыстау облысындағы әлеуметтік-экономикалық жағдайды қарастыру үшін үкіметтік комиссия құрылды.
Үкімет сұйытылған мұнай газының бағасын реттеу бойынша бірқатар шараларды іске асырады. Өңір басшысы облыстағы АЖҚС иелері бизнестің әлеуметтік жауапкершілігі аясында бастамашылық тәртіппен газ құнын литріне 120 теңгеден 85-90 теңгеге дейін төмендету туралы шешім қабылдағанын жеткізді.
"Баға дәліздерін белгілеу және газ бағасының алыпсатарлық өсуіне жол бермеу ұзақ мерзімді баға тұрақтылығын қамтамасыз ету бойынша жүйелі шаралар жүзеге асырылатын болады", - деді облыс әкімі.
Баға дәліздерін белгілеу арқылы бағаның ұзақ мерзімді тұрақтылығын қамтамасыз ету және газ бағасының алыпсатарлық көтерілуіне жол бермеудің жүйелі шаралары жүзеге асырылатын болады.
- Үкімет Маңғыстаудың әлеуметтік-экономикалық жағдайын зерттейтін комиссия құрды
- "Біз халықпен біргеміз": Бүгін Алматыда бір топ белсенді алаңға шығып, билікке наразылықтарын білдірді
- Әлеуметтік желіде "Ынтымақ" алаңынан түсірілген видеолар тарауда. Ақтауда не болып жатыр?
Қоса кетейік, бәсекелестікті қорғау және дамыту агенттігі АЖҚС иелеріне қатысты бағалық сөз байласу бойынша тергеуді бастады.
Облыс әкімі жиналғандарды мәселені заң аясында, сындарлы диалог арқылы шешуге шақырды.
Жаңаөзен мен Ақтаудағы жағдай
2 қаңтар күні Жаңаөзен қаласында жүздеген көлік иелері көшеге шыққан болатын. Олар жиындарда 1 қаңтардан бастап литрі 100 теңгеден 120 теңгеге дейін қымбаттаған сұйытылған газ бағасын төмендетуді талап етті.
Энергетика министрлігі бағаның көтерілуін сұйытылған газды өндірушілердің оны электронды сауда арқылы сатуға көшуімен түсіндірді.
Бірақ халықтың түсіндірмесі қанағаттанбады, себебі Қазақстанның батыс өңірлеріндегі көлік толығымен дерлік газдандырылған. Көтеріліс салдарынан наразылық акциясы облыстың бірнеше ауылын қамтып, шерулер түннің бір уағына дейін жалғасты.