Маңғыстау облысында ит төбелесін ұйымдастырғандар жазаланды

Маңғыстау облысының полиция департаменті Мұнайлы ауданының Батыр ауылында ит төбелес ұйымдастырушысын анықтады, деп хабарлайды Stan.kz ақпарат агенттігі.

Ер адам ҚР әкімшілік кодексінің екі бабы - санитарлық нормаларды сақтамау мен жануарларды серуендету ережелерін бұзу бойынша жауапқа тартылды. Оған итке қатыгездік жасады деген айып тағылған жоқ.

Төбелес орны мен уақытын анықтау үшін тәртіп сақшыларына біршама уақыт қажет болған. 

Видео авторы жазбаның 2017 жылы жарияланғанын айтқан. Алайда бұл ақпарат шындыққа жанаспайтын болып шықты. Ит төбелесі ағымдағы жылдың қазан айында болғаны анықталды.

"Тексеру барысында істің мән-жайы анықталды. 2020 жылы 17 қазанда азамат Мұнайлы ауданының Батыр ауылы аумағында барлық достарын жинап, ит төбелес өткізді. Келесі күні төбелесті ұйымдастырушы әлеуметтік желілерде оқиғаның видеосын жариялады. Маңғыстауда бұқаралық іс-шараларды, әсіресе жануарларға қатыгездікпен байланысты іс-шаралар ұйымдастыруға тыйым салынады", - деп хабарлады Маңғыстау облысы полиция департаментінің баспасөз қызметі.

Қазіргі уақытта Жаңаөзен қаласының тұрғыны 425-бабы "Халықтың санитарлық-эпидемиологиялық салауаттылығы саласындағы заңнама талаптарын, сондай-ақ гигиеналық нормативтерді бұзу" және 408-бабы "Облыстардың, республикалық маңызы бар қалалардың және астананың жергілікті өкілді органдары белгілеген ауыл шаруашылығы жануарларын жаю ережелерін бұзу" бойынша әкімшілік жауапкершілікке тартылды. Иттер мен мысықтарды ұстау және серуендеу. Біріншісі үшін оған 30 АЕК - 78630 теңге, ал екіншісіне 3 АЕК - 7 863 теңге көлемінде айыппұл салынды.

Еске салайық, бұған дейін әлеуметтік желілерде иттердің төбелескені туралы видео жарияланған болатын, содан кейін жануарлар құқығын қорғаушылар полициядан олардың ұйымдастырушысын тауып жазалауды талап еткен. Артынша видео авторы оның бірнеше жыл бұрын түсірілгенін айтты. Алайда, одан әрі тексеру барысында бұл мәлімдеме шындыққа сәйкес келмейтіні анықталды, ал оқиғаның өзі 2020 жылдың қазан айында болған.