Қабылан алғаш рет 2015 жылы Қарақия өңірінде фотосуреттерге түсіп қалған. Ал 2018 жылдың қыркүйегінде Үстірт мемлекеттік табиғи резерватының қызметкерлері камера қақпандары арқылы кішкентай қабыланның суреттерін алды.

“Қазақстанда осы бір тұқымдағы қабыландарды сақтап қалу бойынша іс-шаралар жоспары дайындалды. Басты басымдықтардың қатарында барысқа негізгі азық-түлік таңдауда –үстірт тау қойлары мен еліктерге мониторинг жүргізу болды. Сондай-ақ осы сирек кездесетін түрдің негізгі мекендеу орындарында ерекше қорғалатын табиғи аумақтар желісін кеңейту болды. Бірақ ең бастысы - браконьерлікпен күрес”, – деді департамент өкілдері.

Алайда үш жылдан кейін Бейнеу ауданының тұрғындары өлген қабыланды тауып, бұл туралы тиісті табиғат қорғау ұйымдарына хабарлаған. Жануарға жан-жақты талдау жасалып, оның бұрын камераға түсіп қалған барыс екені анықталған.

Осы жағдайдан соң Батыс Қазақстандағы облыстық ҮЕҰ "Табиғи орта" бірлестігінің сарапшы биологтары қабыланның қорық аумағына қайта оралуынан үмітін үзген еді. Дегенмен 2022 жылдың ақпан айында Үстірт қорығынан қуанышты хабар келді. Фотосуреттердің бірінде қабыланның арқасы мен құйрығы кадрға кіріп кеткен. Оның дақтарын басқа жануармен шатастыру мүмкін емес еді. Ал 2022 жылдың жазы мен 2023 жылдың сәуірінде Қызылсай өңірлік табиғи паркінің қызметкерлеріне бұл факт расталды. Осыдан кейін қабыланның Маңғыстау облысына қайта оралғаны белгілі болды.

“Қазіргі уақытта жаңа камералық қақпақтардың айтарлықтай саны артт. Олардан алынған мәліметтермен Үстірт қорығы, "Қызылсай" өңірлік табиғи паркі, Кендірлі-Қаясан қорық аймағы және облыстық аумақтық инспекция қызметкерлері бөлісетін болады. Бұл қабыландардың мониторингі кезінде аумақты қамтуды айтарлықтай кеңейтеді және жануарлардың сирек түрлерін қорғау бойынша аталған ұйымдардың күш-жігерін біріктіреді”, – деп бөлісті Табиғи ресурстар және табиғатты пайдалануды реттеу басқармасының қызметкерлері.

Талқылау