Маңғыстау әкімі облыста ұшатын дрон-таксилер іске қосылатынын мәлімдеді
Фото: istockphoto.com
Маңғыстау облысының әкімі Нұрдәулет Қилыбай келесі жылы өңірде дрон-таксилерді іске қосу жоспарланып отырғанын айтты. Бұл туралы Stan.kz ақпарат агенттігі хабарлайды.
Облыс әкімі бұл туралы Ақтауда өткен өңірдегі білім қызметкерлерінің тамыз конференциясында айтты.
"Келесі жылы өңірде дрон-таксилерді іске қосу жоспарланып отыр. Олар Ақтаудан облыстың негізгі көрікті жерлеріне туристерді тасымалдауға қолданылады", – деді облыс әкімі.
Сонымен қатар, облыс әкімі осы оқу жылынан бастап үш жыл ішінде арнайы даярлықтан өткен 50 мектеп директорын тәжірибе алмасу үшін Сингапур мен Қытайға жіберу жоспарланып отырғанын айтты.
Маңғыстау облысы әкімдігінің баспасөз қызметі дрон-таксилердің қандай болатыны, олардың қашан іске қосылатыны және қалай пайдаланылатыны, жобаның егжей-тегжейлі түсіндірмесі кейінірек берілетінін атап өтті.
Еске салсақ, бұған дейін көлік министрлігі 2026 жылы Қазақстанда ұшатын такси пайда болатынын мәлімдеген еді.
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
