Соңғы жаңалықтар
Соңғы жаңалықтар

Мамин экономиканы қалпына келтіру бойынша артта қалған өңірлерді атады

Қыркүйек айында нақты сектордың өсуімен қатар қызмет көрсету саласында белсенділік қалпына келе бастады, бірақ Қазақстанның кейбір аймақтары бірқатар көрсеткіштер бойынша артта қалып отыр, деп мәлімдеді премьер-министр Асқар Мамин.

Қызылорда

Үкімет отырысында Мамин тоғыз айдың қорытындылары бойынша экономиканың базалық секторларында оң өсу динамикасы сақталғанын мәлімдеді:

  • өңдеу өнеркәсібінде 3,3 пайызға, оның ішінде фармацевтикада - 39,8 пайызға, дайын металл бұйымдарын өндіруде - 18,9 пайызға, машина жасауда - 16,6 пайызға, оның ішінде автомобиль жасауда - 51,6 пайызға, қағаз өнімдерінде - 15,1 пайызға және жеңіл өнеркәсіпте - 14,1 пайызға өсім қамтамасыз етілді;
  • құрылыс көлемі 10,5 пайызға, тұрғын үйді пайдалануға беру тоғыз пайызға немесе шамамен 9,6 миллион шаршы метрге ұлғайды;
  • ауыл шаруашылығында бес пайызға тұрақты өсім қамтамасыз етілді, жақсы өнім жиналды;
  • тау-кен секторында металл кенін өндіру 1,2 пайызға, өзге де пайдалы қазбаларды өндіру 0,4 пайызға өсті.

Мамин тек мұнай өндіру саласындағы құлдырауды атап өтті, бірақ мұны Қазақстанның ОПЕК + келісімі бойынша міндеттемелерімен түсіндірді.

"Қызмет көрсету секторы тамыз айымен салыстырғанда қыркүйек айында белгілі бір өсімді көрсетіп отыр. Сауда саласында белсенділіктің 2,7 пайызға, байланыс саласында - 1,3 пайызға және көлік пен қоймада - 1,2 пайызға жандануы байқалады. Қызмет көрсету секторының өсуі шағын және орта бизнес қызметінің жанданғанын айғақтайды", - деді премьер-министр.

Содан кейін ол осы көрсеткіштер бойынша экономиканы қалпына келтірудің өсуін қамтамасыз ететін аймақтарды, сондай-ақ артта қалған аймақтарды атады.

"Бес негізгі көрсеткіш бойынша жеті өңір әлеуметтік-экономикалық дамудың өсуін қамтамасыз етті - Ақмола, Алматы, Жамбыл, Қостанай, Павлодар, Солтүстік Қазақстан облыстары және Шымкент.

Жеті облыста оң динамика төрт көрсеткіш бойынша байқалады, олар: Ақтөбе, Қарағанды, Маңғыстау, Түркістан, Шығыс Қазақстан облыстары, Нұр-Сұлтан және Алматы.

Мұнай-газ саласындағы өндіріс көлемінің төмендеуіне байланысты Қызылорда, Атырау және Батыс Қазақстан облыстары артта қалған өңірлер қатарында. Бұл облыстардың әкімдері көрсеткіштерді жақсарту үшін тиісті шаралар қабылдауы керек", - деп атап өтті Асқар Мамин.

Жалпы, оның айтуынша, Қазақстан экономикасы пандемия мен жаһандық экономикалық дағдарыстың елеулі ықпалына қарамастан, көрсеткіштердің біртіндеп өсуін көрсетіп отыр.

Талқылау
Пікір
Қазір оқып жатыр
Çàãðóçêà...
Қазір оқып жатыр